Friday, November 3, 2017

සපත්තුව බිඳුණා සින්ඩරෙල්ලා...

Share it Please
සපත්තුව බිඳුණා සින්ඩරෙල්ලා
මගෙ ඇඟිල්ලත් කැපුණා
මේ ගල්පඩි පෙලේ දිගටම
වීදුරු කෑලි තිබුණා

තාත්තාට කියලා මං
ආයෙත් බාල් නැටුමක් නටවන්නම්
ඔයා කොහොම හරි එන්න ඕනා
එදා වගෙම මා එක්ක නටන්න ඕනා
මං නවත්තනවා ඔරලෝසු
මකනවා දොලහෙ ඉලක්කම
ඒක එලිනොවන රැයක් වෙයි
නොනවතින බාලක් වෙයි

මට ඒත් විශ්වාස නෑ
මේ මාලිගාවේ මං නොදන්න
කාමර තියනවා
අවිශ්වාස කට්ට්ය ඉන්නවා
ඔරලෝසු වල සීනු තියනවා


ඒක හින්දා සින්ඩරෙල්ලා
වීදුරු සපත්තු එපා
කොහොම හරි කරලා
යකඩ සපත්තු දෙකක්
දාගෙන එන්න.....!

4 comments:

Blogroll

About