Wednesday, March 8, 2017

වස්සාන පිණි කඳුළු...!

Share it Please
මිදෙනු නොහැකිව මිදුණු
වස්සාන පිණි කඳුළු
රිදෙනු පිණිසම රැඳුණු
පත් හැළුණු මහළු දඬු

ගිම්හාන මතකය දවන
මල්හාර පොද වැස්ස
සීතාම්බර සළුය
හිතම නිරුවත් කරන

ගල්ලෑල්ලක ලිවුණු
ගල්කූරු ඉරක් ලඟ
හුණු කූරකින් වැටුණු
පියාඹන හරි ලකුණ

අඹ මලින් රොන් ඉසිණු
උඳුපියලි පත් අතර
නැතිවු මොනවද හොයන
ඇටි කුකුළු නෙතක රත

නෙරළු තුරු කරටියක
රැඳුණු ඉර නොහෙල්ලෙන
නාස් පුඩු අගිසි වල
කිතිකැවෙන 'ගස්' සුවඳ

මිදෙනු නොහැකිව මිදුණු
වස්සාන පිණි කඳුළු
රිදෙනු පිණිසම රැඳුණු
පත් හැළුණු මහළු දඬු...!

මාර්තු 7, 2017

4 comments:

Blogroll

About