Thursday, January 19, 2017

සමනලුන්ට සමාවෙන්න....!

Share it Please

තබා මුදු පා සිනිඳු මල් පෙති මත රැඳී මොහොතක්
රොන් සුණුද සිඹ මල් පැණිද රස කර අසයි රහසක්

"පෙර දිනක දුර ඔබට මතකද
මේ වැනිම මොහොතක්
සමනලෙක් විත් මෙහෙම දවසක
ඇහුවා ද රහසක්?"

"ඉගිලුනත් නිල් අහස් තලයේ
සුළං රැළි මත දැවටිලා
ජීවිතේ එක දිනක් වත් නෑ
මගේ අම්මා දැක බලා"

"මගේ අම්මා ඇවිත් දවසක
මේ ලෙසම විමසන්නැතී
මතක නම් ඒ දවස ඔබ ලඟ
අම්මගේ මව් සුවඳැතී" 

- සමනල්ලු සුදුසු ගසක පත් මත බිත්තර රඳවා ඉගිල යනවා මිස දරුවන් දුක සැප නොබලති. බොහෝ සමනල වර්ගවල පැටවුන් දළඹු විය ඉක්මවා සමනලුන් බවට පත්වන අවධිය වන විට උන්ගේ මාපියන් මියගොස්ය

ජනවාරි 19, 2017

No comments:

Post a Comment

Blogroll

About