කරු අයියා බොහෝ කාලයකට පෙර ලියා, බයිලා චක්‍රවර්තී, ඇම්. ඇස්. හා ඇන්ජලින් ගැයූ ගීයක් අද මේ වෙද්දී සිදුවෙමින් තියෙන දේවල් බලාගෙන ලිව්වා කිව්වා වගේ කියා හිතෙයි.
කවුරු කොහොම කිව්වත් කලා කාරයෝ නම් අනාගතය දකින්නෝය කියා මේ වගේ වෙලාවල් වල හොඳටම හිතෙයි. හිතෙනවාටත් වඩා හිතට දැනෙයි.
රනිල් මයාට අටවන ජනාධිපති කියා නක්කලේට කියූ කියුම් කෙරුම්, අටුව කඩා පුටුව හදා ගන්නා ජනාධිපතිය කියා වෙනස් කරන්නට වෙන තරමටම ඒ මහත්තයා දියුණු වී සිටී.
ඇම්. ඇස්.ට තිබුණු බයිලා චක්‍රවර්තී සම්මානයට අභියෝග කරමින්, පහු ගිය දා අති අනර්ඝ බයිලා ගායනයක් කල අපේ ජනාධිපති තුමා කියන කරන දේ විශ්වාස කරන්නට අදහන්නට විතරක් නොව දෝත් බැඳ හිස මත තබා වැඳ නමස්කාර කරන්නට තරම් එම්ප්ටි බ්රේන් කාරයින්ගෙන් නිදහස් වෙන්නට මේක කාලයයි කියා පොහොට්ටුවට හිතුණා ද කියා නම් සහ සුද්දෙන් කියන්නට බැරිය.
එසේ මෙසේ කෙසේ වෙතත්, මේ ලබ්බේ තොයිලය නටන්නේ ගං වතුරේ පාවෙන ලබ්බක් ඇතුලේ බව කාට කාටත් දැනෙනවා ඇතිය කියා නම් හිතෙයි.
No comments:
Post a Comment