පෙනෙන තෙක් මානයට ඈතින්
අහස ඇවිදින් පහතට
මුහුදු වතුරට ගෑවෙන
සක්වල ගලට එපිටින්
උදේ හවසට ගිනි දැලින් දැල්වී
දේදුන්නෙ පාට කැලතෙන
ඉසව්වේ මෝදුවෙන
නා නා වර්ණ සියුමැලි
සුසිනිඳු කුසුම් සුවඳැති
එකතු කරගෙන දෝතට
තුරුළු කරගෙන ලමැදට
සඟවාන නොපෙනෙන්න
රහසින්ම සිපගන්න
නග නගා විත් සරැලි මැසිවිලි
දණ නවා සීරුවට වෙරලස
අතුරලා වැලි තලාවක
පුබුදුවන මල් මල් ලතාවක
බලන හැඩ වැඩ
නිමේෂය ගැන
දරා සිත සිතිවිලි
හිස නගා අහසට
ගත නවා ගැඹුරට
අත යොමා අහුලා
සුසුදු බෙලිකටු
සයුරු පතුලත
දුව දුවා ආවත් වෙරළස
ගල් කුළක බිම්ගෙයක සැඟවෙන
වෙරළ විසිරී
පලසක්ව ඇතිරී
මල් පිපෙන
වරම් නැති
පලසක්ව ඇතිරී
මල් පිපෙන
වරම් නැති
වෙස්සන්තරය මුමුණන
මුහුදු රළ
මුහුදු රළ
මිහිකතගෙ ගිනිගැනුනු හදවත
දියව වැගිරුනු රුහිරු වියැලී
ජනිත වූ ආග්නේය පාෂාණ
ඇතිරුණු මළුව සලපතල
සිඳ බිඳ කීතු කීතු කර
පිපිරවිය නොහැක්කෙන්
ගිරි බෙයද අතරින්
හිරව තෙරපී වැර නගා රිංගා
නැගී අහසට
බිඳු බිඳුව විසුරයි
බිඳු බිඳුව විසුරයි
කරිජ්ජ දිය මල් පොකුර
පෙති පෙති කඩා කුඩු කර
පෙති පෙති කඩා කුඩු කර
නොහැකියෙන් ගැයුමට
සොඳුරු ගී පද බැඳ
සොඳුරු ගී පද බැඳ
හූම් ගා... හූම් ගා...
මොරදේය හුම්මානය
මොරදේය හුම්මානය
ජනවාරි, 5, 2024
+++++++++++++++
ReplyDeleteතුති.
Delete+++++++++++
ReplyDelete-Mayya
තුති
Deleteතුති
ReplyDeleteමේ ළඟදි ඔතනට ගියා...ඇත්තටම අපූරු චමත්කාර තැනක්.කොකොච්චර බල්න් හිටියත් එපා නොවෙන..
ReplyDeleteමතකය ලිව්වාට තුති.
Deleteකවි සිතක් දකින සොබාදම් මවිතය!
ReplyDeleteබොහෝ දේ තුල බොහෝ දේ දැකීම එක අතකින් වාසනාවක් මෙන්ම ශාපයක් ලෙසත් දකින්නට පුළුවන් නේ ද?
Delete