එන්සිලඩස්... එන්සිලඩස්...
කර ඇඹුනු අහසින්
ගලා ආ රුහිරින්..
මහ පොළව ගැබ් ගෙන
වැදූ දරුවාය නුඹ....
ගලා ආ රුහිරින්..
මහ පොළව ගැබ් ගෙන
වැදූ දරුවාය නුඹ....
මධු විතෙන් මත්වී
සංවේදනා නාඳුනන
බුද්ධියේ පහර ලැබ
සිහිසුන්ව ඇද වැටුනු
මහා යෝධයාය නුඹ...
බුද්ධියේ පහර ලැබ
සිහිසුන්ව ඇද වැටුනු
මහා යෝධයාය නුඹ...
නුඹේ දෑසින් හැළුණු
කඳුළු දිය සාගරය
ගල්වූ හිම පොරෝණාවක
ඔතා සඟවා ළමැදට
තුරුළු කරගෙන නිදන
දිළිඳු අසරණයාය නුඹ...
ගල්වූ හිම පොරෝණාවක
ඔතා සඟවා ළමැදට
තුරුළු කරගෙන නිදන
දිළිඳු අසරණයාය නුඹ...
මරණයේ හදවත
ලබ් ඩබ් හඬින් සොලවන
ප්‍රේමයේ ගිනි පුළිඟු
දවාලන සිදුරකින් ඉඳ හිට
වෑස්සෙන සුසුමකට
වෑස්සෙන සුසුමකට
ජීවිතය දිය කරන...!
සැප්තැම්බර් 18, 2015
[ග්‍රීක මිථ්‍යාවන්ට අනුව ක්‍රොනස් අතින් කරඇඹුනු ඔහුගේ පියා යුරේනස් (අහස) ගෙන් ගැළූ ලෙයින් ගැබ්ගත් ගයා (පෘතුවිය) බිහිකල යෝධයෙකි එන්සිලඩස්. ග්‍රීක කාව්‍යයන්හි එන පරිදි එන්සිලඩස්ගේ ඉරණම බුද්ධියේ සංකේතාත්මය ඇතීනා අතින් හෝ මධුවිතට අධිපති ඩයොනිසස් ගේ සහචර සයිලිනස් අතින් මැරුම් කෑමයි. එන්සිලඩස් ගිනිකඳු පතුලක මිහිදන් වූවායි සැලකෙන අතර, එන්සිලඩස් ගේ මව් ගයා ඔහු මුහුදේ දෙවියාය සැලකූ බවත් සඳහන් වෙයි.
එන්සිලඩස් නමින් නම් කල සෙනසුරු ගේ චන්ද්‍රයා පාෂාණමය අරටුවක් වසා පැතිරුනු ගෝලීය සාගරයක් වටා බැඳී ඇති ඝණ අයිස් පෘෂ්ඨයකින් සමන්විත යැයි, සෙනසුරු නිරීක්ෂණයට ගිය ඇමරිකන් කැසිනි යානයෙන් ලද තොරතුරු අනුව, තීරණය කර තිබේ]
ඇමරිකන් අප්පච්චි.
ReplyDeleteපුත්තලම් ලොකු මල්ලි.
ලන්ඩන් ඩී කීර්ති.
තරගෙට නයි අරිති.
Mr Ajith Dharmakeerthi,
ReplyDeleteI've some potential questions about your actions and beliefs could be:
1) What led Ajith to steal Soviet nuclear technology and sell it to Western countries?
2) How did you manage to evade detection and prosecution for such a significant crime?
3) What is the nature of Ajith Dharmakeerthi's current work with Sri Lankan President Ranil Wickramasinha?
4) How do you support for Russia during the conflict with Ukraine align with your previous actions and allegiances?
5) What are the potential consequences for Ajith if your actions were to be exposed or proven to be true?