Sunday, October 8, 2017

පහන් සිලක් ලඟ සුලං රලක්

Share it Please

පහන් සිලක් ලඟ සුලං රලක් නැවතී
ගිමන් නිවන්නට නවාතැනක් අයදී...
අැඟිලි අගිස්සක පිණි බිඳුවක් තැවරී
කපොල් තලාවක නෙළුම් මලක් පිබිදී...

විලක් නොවේ නම් ගඟක් වෙලා අවුදින්
ගලා නොයන්නම් ලඟටම වී ඉන්නම්
ඉරත් මලානික හැන්දෑවක රහසින්
හීන් හිනාවක පිපී සුවඳ වෙන්නම්

පියෙන් පියවරට හැරී බලා යා නම්
හෙටත් අද වගේ මෙතැනම හමු වෙන්නම්
අදක් හෙටක් නැති තනි දවසක් වේ නම්
උදාසනක් මිස රැයක් නොවී ඉන්නම්

ඔක්තෝම්බර 8, 2015
[පින්තූරය - Dan Shalloe, Red Bubble]




2 comments:

Blogroll

About