හරිත පැහැ සොරා ගෙන පත් හැලූ ඕතමය
උතුරු සුළඟින් දැවී ජනිත වූ සිසිරය
කැරලි කර දඟ කැවූ හිම තුහින විසුරුවා
මකන විට වසන්තය ඉතිරි කල මල් සුවඳ
පිපුණු සඳ දිය ගඟුල
ගලා ගිය හිම සයුර
කැලතවී රැළි නැගෙයි
වියරු සුළඟට නතුව
උණුහුමක උණුහුමට තුරුළුව
කදා බඳුනක පතුල රැඳි
තෙතක් විඳි පමණකින්
නෙතු පියන් විවර කර
හීන් සුසුමක් හෙලයි
වියලැවී කෘශව ගිය
දැහැටි දඬුවක සැඟව
නිදාහුන් ජීවිතය...!
ජනවාරි 5, 2026
No comments:
Post a Comment