අහඹුවෙන් අහලින් ගලන
සුළං රළකට අවනතව
සොලවතොත් මිසක අතැඟිලි
සදා හරිත තුරකට වුවද
පිස දමන්නට නොහැක හිම තුහින
ගිනියම් සීතලෙත් නොහැලෙන
හරිත පත් මත සිනාසෙන කල
පහත් වී බලන්නට පොළව
නෙත් නගා බලන්නට අහස
හිත් ලලා දිගුකලක්
හෙමි හෙමින් වඩවතත්
රිකිලි අත් ලපටි පත්
පිපුණු නෙත්
වස්සාන වැසි නිමව
ගිම්හාන උණුහුමට
නිල මැකී කහ මතුව
රත්වන්ව ලේ පිරෙන
පත් හලන ගස් අතර
සදා හරිතව නැගෙන
සදා හරිත තුරකට වුවද
පිස දමන්නට නොහැක
ගිනියම් සීතලෙත් නොහැලෙන
හරිත පත් මත සිනාසෙන කල
සිසිරයේ සුදෝසුදු පිරුවටය....
අහඹුවෙන් අහලින් ගලන
සුළං රළකට අවනතව
සොලවතොත් මිසක අතැඟිලි....
ජනවාරි 5, 2025
