දම්පාටින් ලා සඳ බැස යනවා දැක්කේත් ඒ පද ටික ලිව්වේත් ලූෂන් ය. ලූෂන් බුලත්සිංහලයන් ය. ගැයුම කපුගේ ගේ හා මාලිනීගේ වුවද, ලූෂන්ම කියන හැටියට, මේ ගීතයේ දම්පාට එන්නේ වෙසක් බලන්නට ගිය දවසකට පහුවදා හිමිදිරියේ මොරටු වැල්ලට ඉහලින් එල්ලී තිබුණු ලා දම් පාට සඳකිනි. පහත වීඩියෝවේ ලූෂන් ඒ මොහොත ගැන සිය මතකය නැවත අවදි කරනවා අහන්නට පුළුවන.
ඒක එහෙම වුනත්, මෙහේ කැනඩාවේ ඉන්නා අපට, විශේෂයෙන්ම වසන්තය අග ඕතමය යැයි මට මතක හැටියට වෙඩ්ඩා නම්කල Autumn හෝ Fall සමයේ දීත්, සිසිරය අවසන්ව, වසන්තයට මග එළි කරන වස්සාන හෝ Spring සමයේ දීත්, හිමිදිරියේ හෝ සවස් යාමයේ රෝස දම් අහසක් දැකීම දුලබ දෙයක් නොවෙයි.
මගේ නිරීක්ෂණයට අනුව මේ රෝස දම් පැහැය බොහෝවිට පෙනෙන්නේ ඉර තිබෙන දිශාවට විරුද්ධ දිශාවේ අහසෙහි ය. මේ සටහනේ අවුනා ඇති පින්තූර නම් 2021 දෙසැම්බර 17 දා සවස් වරුවේ ගැණුනු සේයා රූය.
රෝසපාට සඳතලාවක ලතැවෙන පුරහඳේ මේ අරුම අහස් සිතුවම, උදේ වැඩට යන අතර මුලින්ම වාග‌ේ දුටු දවසක කුරුටු ගෑවුනු පද ටිකක් මුහුණු පොතේ ලියැවී, නැවත මෙතැන පිටුවක සටහන් වීත් තිබෙයි.
"ඈත්වී දුර යන්න කලියෙන්
පාත්වී සිප ගන්න ආසයි
මෑත්වී දොර කඩට එනවද
මගේ හිත නම් තාම සුවඳයි....."
"ඈත්වී දුර යන්න කලියෙන්
පාත්වී සිප ගන්න ආසයි
මෑත්වී දොර කඩට එනවද
මගේ හිත නම් තාම සුවඳයි....."
ලූෂන් බුලත්සිංහලයන්ගේ පද වැල:
දම්පාටින් ලා සඳ බැස යනවාආකාසේ රන් වන් පාටයිසමුගෙන යන්න මගෙන් තව මොහොතයිනොදොඩා ඉන්නේ ඇයී...නොදොඩා ඉන්නේ ඇයි
දම් පාටින් සඳ මුහුණ පෙනෙනවාවෙන්වී යන මොහොතක් නෑඟෙයිදෑසට ළංව තවත් මේ මොහොතේගොළුවී ඉන්නෙමි මම්...ගොළුවී ඉන්නෙමි මම්
සෙවනැලි නොමැකේ නම්...එලිය කළු නොවේ නම්සෙවනැලි නොමැකේ නම්...එළිය කළු නොවේ නම්බිත්ති පුරා ඔබෙසෙවනැලි ඇන්දේතනිය මකා ගන්නයි එනතුරුසොයා මගේ සෙනෙහස මතුදා
දම්පාටින් ලා සඳ බැස යනවාආකාසේ රන් වන් පාටයිසමුගෙන යන්න මගෙන් තව මොහොතයිනොදොඩා ඉන්නේ ඇයී...නොදොඩා ඉන්නේ ඇයි
දම් පාටින් සඳ මුහුණ පෙනෙනවාවෙන්වී යන මොහොතක් නෑඟෙයිදෑසට ළංව තවත් මේ මොහොතේගොළුවී ඉන්නෙමි මම්...ගොළුවී ඉන්නෙමි මම්
රෑ කල දිගුවේ නම්...ලා සඳ නොමැකේ නම්රෑ කල දිගුවේ නම්...ලා සඳ නොමැකේ නම්නෙළුම් පතක රැදි පිණිබිදුවක් සේළමැද තලා යහනේ ඉන්නම්පමාවෙලා හිරු නැගෙන තුරා...
දම්පාටින් ලා සඳ බැස යනවාආකාසේ රන් වන් පාටයිසමුගෙන යන්න මගෙන් තව මොහොතයිනොදොඩා ඉන්නේ ඇයී...නොදොඩා ඉන්නේ ඇයි
දම් පාටින් සඳ මුහුණ පෙනෙනවාවෙන්වී යන මොහොතක් නෑඟෙයිදෑසට ළංව තවත් මේ මොහොතේගොළුවී ඉන්නෙමි මම්...ගොළුවී ඉන්නෙමි මම්
No comments:
Post a Comment