මලක් ඔබ මලක්....!

By: රන්සිරිමල් (ලොකු) on Friday, December 08, 2017

Share it Please

Tweet

සුසුමක කැටිකර

කුසුමක සැඟවූ

සිහිනෙක රොන් බිඳු ඉහිර ගලා

ඉරගල පාමුල

ඉඳුදුණු පිපෙනා

මොහොතක අහසම සුවඳ වෙලා 

පිහිනන මසෙකිය

නිල්දිය විලකිය

විහඟ රලකි යන පියාසලා

දිදුලන තරුකැට

සඳදිය මුසු වී

විසිරෙයි  ගුමු ගුමු නදින් ගලා

මුකුලිත පහනක

වියැකෙන සිළුවක

ජීවනයේ ⁣ ඔසු පැන් ඉසලා

විකසිත කරවා

හිනැහෙන මලකිය

ආදරයේ පිණි බිඳු සසලා