සිස්ටයින් දෙව්මැදුරු වියන යට පලංචියක දිගාවී උඩු බැල්ලෙන් පින්සලක කෙස්ස සකසයි මහා සිත්තර මයිකල්....
"මට නම් කලන්තෙ දායි....
ඔච්චර උඩ... මොන තරං ඉවසිල්ලක් ද?"
ඔබ කියයි...
රූප තිරයෙන්
දෑස් නොගෙනම.....
ගල් තලාවක
නිරුවතින් වැතිරි ආදම්..
දණිස මත වැලමිට රඳවා
ආයාසයෙන් දිගුකරයි
වම් අතේ දබරැඟිල්ල
යන්තමින් සෙලවෙන
ඔබේ දෙතොල්
මන්දස්මිතියක නතරවෙයි
දිගෑදී යන්තමට විවර වන නෙත්
වෑයමෙන් ඉහලට නැගෙන
හුස්මකට ඉඩ දෙයි...
"ඇයි අර දෙවියන්ගෙයි
ආදම්ගෙයි ඇඟිලි...
එච්චර ලඟට ඇවිල්ලත්
ගෑවෙන්නෙ නැත්තෙ?“
ඇසෙන නෑසෙන
හඬින් මිමිණෙයි
“දෙවියෝ එහෙම තමයි
ඇඟිල්ල දික්කරනවා විතරයි...
ස්පර්ශ කරන්නේ නැහැ....!“
හරිම ලස්සනයි
ReplyDeleteඅගය කලාට තුති.
Delete