Wednesday, June 6, 2018

හරි වැඩේ ස්වර්ණා

Share it Please
හරි වැඩේ ස්වර්ණා
වෙස් මූණ චූට්ටක් ඉරිලා
මේ සතියෙ ආවාම
හදා ගන්න ඕනා

අල්මාරි තට්ටුවේ
ඇති පරණ අච්චුව
හීනියට ඉරලා
⁣සුදු සව් කඩදාසි
පොඟවලා තියන්න

පරණ මැලියම්ම තිබුණා
නෑ ලොකුම සිදුරක් නෙවෙයි
කම්මුලක් තෙමිලා
පුංචි සිදුරක් හැදිලා

මෙහෙ තවම වැස්සනෙ
කුඩේ අමතක වුනා
මාලිනී ඇරලුවා
නෑ ගෙදරටම නෙවෙයි
බස් එකට විතරයි

ඒ කුඩේ හරි පොඩියි
ගෙදර ආවාම දැක්කේ
කම්මුලක් පෙඟිලා
පොඩි හිලක් හැදිලා

මෙහේ ගාණක් නෑ
කවුරුවත් ඇහුවොතින්
විහිළුවක් කරනවා
ඒත් අර මගුල් ගෙදරට යන්න
හදන්නම වෙනවා

බෝතලේ බලන්න
පාට චුට්ටකුත් ගාමු
හරියටම නොගැලපුනොත්
පුංචි ඉන්නෙක් අඳිමු.


2 comments:

Blogroll

About