අපේ යෞවනයේ ගායකයා වූයේ මිල්ටන්ය.
අපේ මිල්ටන් නම්, ජේ. ඒ ය. ජේ. ඒ. මිල්ටන් පෙරේරාය.
මිල්ටන්ගේ සිහින දෙව් දුවට පෙම් බැන්ද අපට වෙන කිසිවකුට ආදරය කරන්නට හිතන්නටවත් කාලයක් තිබුණේ නැත. ඇයගේ නාමය නම් ඉතින් ආදරයම විය.
ලපැති සඳත් කටු රැඳි මලුත් අතරින්, වන වදුලු, ගිරි කඳුරු, රුදු කතර පීරා හඹා ගොස් නලලත අත තබා ලෙයින් ලියා පවරා දිවි බඳුන පුද කරන්නා වූද, ඕ දෙපා අබියසම ගිනි නැතිව දැවී හළුවී ජීවිතයෙන් සමුගන්නා වූද, අමරණීය ප්‍රේම කළ්‍යාණියක් පිළිබඳව සිහින දකින්නට අපට ඉගැන්නුවේ කරු අයියාගේ පදමාලා වලට සිය හෘදයාංගම කටහඬ මුසු කල මිල්ටන් ය.
සිහින දෙව් දුවේ ඔබට තුන් ලොවේ
එකම නමයි මා දන්නේ ඒ නම ආදරේ...
සඳෙහි ලප තියේ මලෙහි කටු තියේ
එකම නමයි මා දන්නේ ඒ නම ආදරේ...
සඳෙහි ලප තියේ මලෙහි කටු තියේ
උපමා නෑ සසඳන්නේ ඔබේ නම ආදරේ
චන්දන දියෙන් දොවාලා ඔය නළලෙ අත තියාලා
මම ඔබ ලඟයි කියාලා දෙමි ලේ වලින් ලියාලා
කල්යාණි නමට අම පෙම් දිවි බඳුන පුදකරන්නම්
කල්යාණි නමට අම පෙම් දිවි බඳුන පුදකරන්නම්
ඉපදුනිද බවෙක කිසියම් මුලු සසරෙදිම ඔබෙයි මම්
අවසාන මොහොත වේවා ඔබ ලඟදි ලඟා වේවා
ගිනි නෑතීව මා දෑවේවා සිහිවටන එහි මෑවේවා
https://www.youtube.com/watch?v=Xi78nR8QrRA
හීන දෙවොල්වල දේවතාවියන් පිදීම එකකි, දන්නා කියන කතා නොඇසූ කල්යාණියන් සොයා ගැනීම නම් ඒ තරම් ලේසි පහසු නොවෙයි. ඒකත් සිහිනයක්ම වීමේත් රසයක් තිබෙයි.
https://www.youtube.com/watch?v=gRGCKLIhNSg
ඉල්ලීමත්, සොයා යෑමත් කෙසේ වෙතත්, මේ පුදුමාකාර ජීවිතයේ දී නොඉල්ලන දේ නොහිතූ ලෙසින් ලැබීමට වෙලාවක් කලාවක් නැත. කතාවේ හැටියට පතාගෙන ආ ආදරය නෑඹුල් සිනාවක ආදරයෙන් ඔතා අතට ගෙනැවිත් දුන් එදා දවසේ සිදුවූ වික්ෂිප්ත වීමත් මිල්ටන්ගේ සිංදුවකටම කරු අයියා ලියා තිබුණත්,
හීන දෙවොල්වල දේවතාවියන් පිදීම එකකි, දන්නා කියන කතා නොඇසූ කල්යාණියන් සොයා ගැනීම නම් ඒ තරම් ලේසි පහසු නොවෙයි. ඒකත් සිහිනයක්ම වීමේත් රසයක් තිබෙයි.
කල්යාණියෙ ඔබ නෑසූ කතාවක් කියන්නම්
ඇත්තයි එය මම දිව්රා හිසේ දෑත් තියන්නම්
මතු කවර දිනකදී හෝ මට ඔබව අහිමි වේ යැයි...
ගැන භීතිය සැක මාගෙ හිතේ තිබුණි දිගා කල්
හිමි වී ඇත අද ඒ දුක ගැන සෝක සුසුම් වැල්
මගෙ හිතට එකඟවයි මේ මා කියන දෙය කියන්නේ...
ඔබෙ ආදරබර මහිමයටයි ගී ලියවෙන්නේ
රස උල්පත සිඳ ඇයි හදවත සසළ කරන්නේ
ඉල්ලීමත්, සොයා යෑමත් කෙසේ වෙතත්, මේ පුදුමාකාර ජීවිතයේ දී නොඉල්ලන දේ නොහිතූ ලෙසින් ලැබීමට වෙලාවක් කලාවක් නැත. කතාවේ හැටියට පතාගෙන ආ ආදරය නෑඹුල් සිනාවක ආදරයෙන් ඔතා අතට ගෙනැවිත් දුන් එදා දවසේ සිදුවූ වික්ෂිප්ත වීමත් මිල්ටන්ගේ සිංදුවකටම කරු අයියා ලියා තිබුණත්,
ඔබ කවුද ප්‍රියේ මන්ද මෙසේ
රන් රස සේ ඉන්නෙ බැඳී
ඈත භවයෙදී හුරු වූ දේකි මේ සුදූ
හුරු වූ දේකි මේ සුදූ
ඔබ මා වෙනුවෙන්මද ලොව දිණුවේ
මට මේ සෙනෙහස නෑ ඈ පිදුවේ
මගෙ ගීත නිධානය ඔබම තමා
පෙරලා දෙනු මැන මුව ගලන අමා
අද මෙන් හෙට ඔබ ළඟ එකට ඉමී
සැනසුම සුව සහනය රැඟෙන එමි
ඔබ අමතනවිට මම සිනාසෙමී
ගෙමිඳුල ළඟ වැටි වැටි සිඟා කමී
සිංදු කීමේ කලාව බිංදුවක්වත් ඇඟේ ගෑවී නොතිබීමේ හේතුවෙනුත්, අවුරුදු හතරක දහදිය මහන්සියෙන් අස්වැද්දූ කෙත් වතුවල බැත කපා පාගා හුලංකර ගන්නා අවසාන විභාග සමය හොම්බ ලඟම දිව දික්කරමින් සිටි බැවිනුත් අර විහාරමහා දේවියේ සිමෙන්ති බංකුවක දී හමුවූ සිහින දෙව්දුවත් සමග ඔවැනි සීරියල් දර්ශනයක් රඟපෑමේ වාසනාවක් තිබුණේ නැත.
ඒ වෙනුවට සිදුවූයේ නවකතා පොතේ වෙනවා වගේම, ඒ අදහස අතහැර දමන්නට දෙන්නාම තීරණය කිරීමකි.
ඉතින් මිල්ටන් ඒ ගැනත් කියා තිබූණි. සිද්ධ වූ දේ සිද්ධ වූ හැටියෙන්ම කරු අයියා ලියා මිල්ටන් ලවා කියවා තිබුණි.
ඒ වෙනුවට සිදුවූයේ නවකතා පොතේ වෙනවා වගේම, ඒ අදහස අතහැර දමන්නට දෙන්නාම තීරණය කිරීමකි.
ඉතින් මිල්ටන් ඒ ගැනත් කියා තිබූණි. සිද්ධ වූ දේ සිද්ධ වූ හැටියෙන්ම කරු අයියා ලියා මිල්ටන් ලවා කියවා තිබුණි.
ඇස රැඳුණ රැඳුණ තැන්වල
මුව මඬල හිනැහුණාඔබ මතක නැති කරන්නට
මට මතක නැති වුණා ..//
දුක්‌ පැදුර දිගැර අලසව ඇත - හද ගිමන් හලේ
නින්දකට නොවැටි තැවි තැවි - මුලු රැය පහන් කලේ ..//
රෑ කවුද හෙමින් එළැඹී - මගේ කනට මුව තියා
මින්දදගෙ දුන්නෙ මල් හී - පහකැයි කියා ගියා ..//
වැසු විමන් පියන් පියවා - රඳවන්න මට හිතයි
උඩු හිතට වැඩිය ඔබ ගැන - විමසන්නේ යටි හිතයි ..//
නින්දකට නොවැටි තැවි තැවි - මුලු රැය පහන් කලේ ..//
රෑ කවුද හෙමින් එළැඹී - මගේ කනට මුව තියා
මින්දදගෙ දුන්නෙ මල් හී - පහකැයි කියා ගියා ..//
වැසු විමන් පියන් පියවා - රඳවන්න මට හිතයි
උඩු හිතට වැඩිය ඔබ ගැන - විමසන්නේ යටි හිතයි ..//
ඒ ආදරය උතුරා අපේ හිත් වලට හඳ පෑව්වේ, කළුවර පෝයට දවස් තුනක් වූ මුත්, හැත්තෑ නවයේ ජූලි මාසේ විසිඑක්වෙනිදා, හවස හතට හතාමාරට විතර, කැප්පෙටිපොල පාරේ, ඉන් පස්සේ කවමදාකවත් අපට හරියාකාරව අඳුනාගන්නට නොහැකි වූ ගහක් යට දීය. ඒ ඔය නීල් ආම්ස්ට්‍රෝන්ග් හඳේ පැල්ලමක් තැබූ අවුරුද්දට හරියටම අවුරුදු දහයකට පසුවය. අදය අපි කියන අද දවසට අවුරුදු හතලිහකට කලින් ය...!
මට ගයන්නට බැරි නමුත්, කරු අයියා ලියා මිල්ටන් ගැයුවේ කා ගැනදැයි අද නම් මට ඇස් පියාගෙන වුවද පෙන්වන්නට පුළුවන.
සුරැකීමට හෝ නැතිවී යනු පිණිස මා කෙරේ
එකකී මට ලොව ඇත්තේ ඒ ඔබගෙ ආදරේ
මගෙ ජීවය ගල් ලෙනකී එහි පහන ඔබ තමා - එය දල්වනු මැන හිනැහී හද පෙම් ගිතෙල් දමා
වැලපීමට හෝ සැනසීමට මතු සැරින්සැරේ - එකකී මට ලොව ඇත්තේ ඒ ඔබගෙ ආදරේ
අඩකී පිරිලා ඇත්තේ රස මිහිර මීවිතේ - පුරවා දිය හැකි ඔබටයි අඩු කොටස ජීවිතේ
පිටුපෑමට ලං වීමට භවයේ වරින්වරේ - එක කීමට ලොව ඇත්තේ ඒ ඔබගෙ ආදරේ
අද හෝ හෙට කරුණාකොට වියැළුනු දෙතොල් තෙමා - දිවගෑමට සැනසීමට ඔබ දිය යුතුයි අමා
ඔබගේ නෙත කඳුළැලි මත පාවෙන තරම් ප්‍රියේ - දරුණූ නැත මගෙ හදවත හොඳ සිහිය මට තියේ
සෙලවීමට නොහැකී වැද බාධක සුළං සැරේ - එකකී මට ලොව ඇත්තේ ඒ ඔබගෙ ආදරේ
සුරැකීමට හෝ නැතිවී යනු පිණිස මා කෙරේ
එකකී මට ලොව ඇත්තේ ඒ ඔබගෙ ආදරේ
ආදරෙයි අම්මා....!
මට ගයන්නට බැරි නමුත්, කරු අයියා ලියා මිල්ටන් ගැයුවේ කා ගැනදැයි අද නම් මට ඇස් පියාගෙන වුවද පෙන්වන්නට පුළුවන.
සුරැකීමට හෝ නැතිවී යනු පිණිස මා කෙරේ
එකකී මට ලොව ඇත්තේ ඒ ඔබගෙ ආදරේ
මගෙ ජීවය ගල් ලෙනකී එහි පහන ඔබ තමා - එය දල්වනු මැන හිනැහී හද පෙම් ගිතෙල් දමා
වැලපීමට හෝ සැනසීමට මතු සැරින්සැරේ - එකකී මට ලොව ඇත්තේ ඒ ඔබගෙ ආදරේ
අඩකී පිරිලා ඇත්තේ රස මිහිර මීවිතේ - පුරවා දිය හැකි ඔබටයි අඩු කොටස ජීවිතේ
පිටුපෑමට ලං වීමට භවයේ වරින්වරේ - එක කීමට ලොව ඇත්තේ ඒ ඔබගෙ ආදරේ
අද හෝ හෙට කරුණාකොට වියැළුනු දෙතොල් තෙමා - දිවගෑමට සැනසීමට ඔබ දිය යුතුයි අමා
ඔබගේ නෙත කඳුළැලි මත පාවෙන තරම් ප්‍රියේ - දරුණූ නැත මගෙ හදවත හොඳ සිහිය මට තියේ
සෙලවීමට නොහැකී වැද බාධක සුළං සැරේ - එකකී මට ලොව ඇත්තේ ඒ ඔබගෙ ආදරේ
සුරැකීමට හෝ නැතිවී යනු පිණිස මා කෙරේ
එකකී මට ලොව ඇත්තේ ඒ ඔබගෙ ආදරේ
ආදරෙයි අම්මා....!
