Tuesday, July 3, 2018

අපේ මේ මන්දාකිණිය ආදරිය...

Share it Please
ක්ෂිර පථය යැයි කීව ද
මහා ඝනඳුරක විසුරුණ
සියක් බිලියන තාරකා වදුලකි
බිඳු බිඳුව බිඳි එළිය බිඳු මිස
අනවරත ආලෝකයක් නම් නැති
තවත් මන්දාකිණි තිබේ අර
විශ්වයේ සෑම මානයකම
ඉමක් කොනක් නොහැඟෙන ඈත
පැතිර විසිරුණු අඳුර තුල
සියක් බිලියන දස දහස් බිලියන
බිඳු බිඳුව බිඳි එළිය බිඳු රොක්වුන
සත්‍යයය එසේ වූ කල
ආලෝකයම හඹා යනු කිම
සොයන්නට පරම සත්‍යයය
අඳුරෙන් උපන් කිසිවකට
අඳුරම මිස අන් යමක්
කෙලෙසක නම් වේද සත්‍යයය?


1 comment:

  1. මේ වනවිට ඔබේ නිර්මාණ බොහොමයක් රස විද තිබෙනවා . ඒවා විවිධ පරාස කරා යන අයුරු අපූරුයි . බ්ලොග් කලාවට අළුත් මට ඔබේ භාවිතය හොද අත්වැලක් . ඉඩක් ලැබුණොත් මගේ අහස් ගව්වෙන් එහා ලෝකයට ගොඩ වැදිලා අඩුපාඩු ලියන්න . වැඩි පිරිසකට මගේ නිර්මාණ රසවිදින්න උදව් කරන්න . ඔබට ජය

    ReplyDelete

Blogroll

About