පෙබරවාරි හයවෙනිදා, දහවල් සඳ ගමනට ඇපලෝ යානා ගුවන් ගත වූ ඇමරිකාවේ කෙනඩි අභ්‍යවකාශ තොටුපලින්, මොටෝරථයක් අගහරු කරා ගමන් කරන්නට පිටත් විය. මේ රතු පැහැති ටෙස්ලා රෝඩ්ස්ටර් රථය පදවන්නේ ස්ටාර් මෑන් ය. ඉහත ඇත්තේ පෘතුවිය වටා කක්ෂයකට පිවිසි ස්ටාර්මෑන්, සිය මොටෝරියේ සිට අපේ පෘතුවිය දෙස බලා සිටින, සේයාරුවකි.
අජටාකාශගාමියකු සේ සැරසී සිටියද, ස්ටාර්මෑන්, ඩමියකි. ඔහු පදවන, මොටෝරිය, දැනට ලෝකයේ විශාලතම රොකට්ටුව සේ හැඳින්වෙන යෝධ රොකට්ටුවක් මගින් වායු ගෝලයෙන් පිටතට ඔසවා, කක්ෂගත කරනු ලෑබීය.
එලෝන් මස්ක් ගේ, ස්පේස් එක්ස් (SPACE X) සමාගම මගින් ගුවන්ගත කල මේ මොටෝරථය, විශාල ප්‍රමාණයේ උපකරණ, චන්ද්‍රිකා ආදිය අභ්‍යවකාශ ගත කිරීමේ හැකියාව අත්හදා බලන පර්යේෂණයක් වන්නේය. එ් කාර්යය සඳහා නිපදවුනු 'ෆැල්කන් හෙවි'' යෝධ රොකට්ටුවේ ප්‍රථම ගුවන්ගත වීමද මෙයම වෙයි.
රොකට් එන්ජින් නවයකින් සමන්විත 'ෆැල්කන් 9' රොකට්ටු, තුනක් එකට ඈඳා නිමවූ ෆැල්කන් හෙවි රොකට්ටුවට, රාත්තල් 140000 ක බරක් අභ්‍යවකාශ ගත කල හැකිය. ෆැල්කන් 9 රොකට්ටුවල විශේෂත්වයක් වන්නේ, ඒවායේ රොකට් යන්ත්‍ර කොටස නැවත පෘතුවිය මතුපිටට පැමිණීමට හැකිවන අයුරින් නිමවා තිබීමයි. ස්ටාර්මෑන් ගුවන් ගතවූ ප්‍රථම ෆැල්කන් හෙවි රොකට්ටුවේ කොටස් තුනින්, ප්‍රථම කොටස් දෙක, නිරුප්‍රදිතව කෙනඩි අභ්‍යවකාශ තොටුපලට පැමිණි අතර, සයුර මැද වේදිකාවකට ගොඩ බැසීමට නියමිතව තිබූ තෙවන අදියර, මුහුදට වැටී විනාශ වූ බව වාර්තාවේ.
පැය හයක පමණ කාලයක්, පෘතුවිය වටා කරකැවුනු ස්ටාර් මෑන්, අඟහරු කරා ගෙනයන අවසාන කක්ෂයට පිවිසවීමට සිදුකල රොකට් දහනයේ සිදුවූ වෙනසක් නිසා, ඔහුගේ ගමන් මග ඈත අභ්‍යවකාශයේ, අඟහරු හා ජුපිටර් අතර ඇස්ටරොයිඩ් (උල්කාශ්ම) කලාපය දෙසට යොමුවී තිබෙනවා.
ස්පේස් එක්ස් සමාගමේ මූලික අරමුණ වූයේ, අභ්‍යවකාශයට චන්ද්‍රිකා හා වෙනත් උපකරණ ගෙනයාමට ෆැල්කන් යානාවල හැකියාව පිරික්සීම මිස, අඟහරු කරා යාම නොවුනත්, පෘතුවිය වටා ගමන්කල ටෙස්ලා රෝඩ්ස්ටර් රථය පැදවූ ස්ටාර්මෑන් ගේ ගමනේ වීඩියෝ දර්ශන, සජිීවීව යූ ටියුබ් හරහා මුළු ලොවටම මුදා හැරුණා.
Yes. I was anxious and waited for hours till wind factor comes normal. Great concept and really successful test with some fun and silly things.
ReplyDeleteI meant i was warching the webcast
DeleteMe too. This definitely marks the beginning of a new chapter.
Deleteසය්ඩ් බූස්ටර් දෙක රිලෑන්ඩ් කරන වීඩියො එක තමා නියම සයිෆයි මූවී සීන් එක. ඒකටත් ලින්ක් එකක් දාන්න
Deleteමේ දවස් වල මට interesting වෙච්චි සිරාම නිව්ස් එක! උදේ ඉදන් කළේ ඕක බලපු එක තමා
ReplyDeleteඇප්ලයි කරහං ස්පේස්එක්ස් එකට
Delete