කල්පයක් වියපත් වූ ගඟත්
කඳු හිසක හැංගුණු උල්පතක්
නිල් අහස සිඹිනා තුරු හිසත්
නෙත් නොහැරිි සුහුඹුල් ලදල්ලක්
රැලි සරැලි රැඳුනත් කාලයේ
මුදු සිනිඳු මල් පෙති ප්රේමයේ
බුබුළු දා නැගිලා පෙති පිපී සැලිලා
අදත් සුවඳයි ගංතෙරේ...
ඔබ දෙපා නගනා වනපෙතේ....
රුදු සුලං රැළි හමනා රැයේ
කඳු මුවාවේ නිල් නිම්නයේ
පිපුණු මල් වැහිලා මල් තුහින පිපිලා
වසත් කාලය නිම්තෙරේ...
මග බලා ඉන්නා තුරුපෙතේ...
ජීවිතේ අවසාන කඳුළු මල පුබුදින්න
ඉතින් ඔය අවසාන මල් පෙත්ත උදුරන්න
හුළඟෙ ගිය පෙති හයක මුදු සුවඳ සිපගන්න
හිත අගුළු සිර කරන් ගල්ලෙනෙන් නික්මෙන්න....
සිප වැළඳ දොර වසා නික්මුනා සිංහයා
මහ වනේ මල් පිපේ නිසල වූ ගත වසා
සියපතක් ගැන හිතූ සිඟිති දෝතේ රඳා
පෙති දෙකක් අහිමි වූ හත් පෙත්ත ශේන් යා
තටු ඇවිත් නිදහසේ දුර අහසෙ පියඹන්න
වලාකුළු මෙට්ට මත මද නලේ පාවෙන්න
හුළඟෙ ගිය පෙති හයක මුදු සුවඳ සිපගන්න
ඉතින් ඔය අවසාන මල් පෙත්ත උදුරන්න
